هاد الشروط كتطبق على كاع الطلبيات اللي كتدار فالموقع ديال SmartGros. ملي كتأكد طلبية، راك موافق عليها.
1. الطلبية
- الطلب كيتدار بلا حساب: السمية، نمرة التيليفون، المدينة والعنوان.
- الأثمنة معروضة بالدرهم المغربي (MAD) للحبة.
- كل منتوج عندو حد أدنى للطلبية (عادة 5 حبات) مكتوب فالصفحة ديالو.
- من بعد الطلبية كنتاصلو بيك بالتيليفون ولا واتساب باش نأكدو. الطلبية اللي ما تأكداتش تقدر تتلغى.
2. الخلاص
الخلاص كيكون عند الاستلام (كاش) للموزع. ماكاين حتى خلاص مسبق فالموقع.
3. التوصيل
- كنوصلو لكاع مدن المغرب، عادة فـ 24 حتى 48 ساعة من بعد التأكيد (المدن البعيدة تقدر تاخد كثر شوية).
- ثمن التوصيل: فابور، كيتبين قبل ما تأكد الطلبية.
- عافاك شوف السلعة قدام الموزع قبل ما تخلص.
4. التبديل والإرجاع
- إلا وصلاتك سلعة فيها عيب ولا ماشي هي اللي طلبتي، تواصل معانا فـ 48 ساعة من الاستلام مع تصويرة، ونبدلوها ليك.
- المنتوج خاصو يرجع فالحالة ديالو وبالباكية الأصلية.
- مصاريف التوصيل ديال التبديل علينا إلا كان الغلط من عندنا.
5. الضمانة
الضمانة كتغطي عيوب الصنع، ماشي الكسر، الما ولا الاستعمال الغالط. المدة ديالها كتختالف حسب المنتوج، سول علينا قبل الطلب.
6. التواصل
لأي سؤال: 0645696933 — واتساب. وشوف حتى سياسة الخصوصية.